DAMLO PHAI LAMA REFER TE HRIAT TUR

Damlo Mizoram chhunga enkawlna kan neih lohte hi phai lama refer theih a ni a,chutianga damlo na zual(serious) leh harsatna bik neite chu:

Amah enkawl tu Doctor(attending doctor)-in Chairman, Medical Board (Aizawl, Lunglei, Saiha) ah a refer a,Medical Board-a miten an exam hnu ah Certificate an pe chhuak ang (Heihi chawlhkar tina NILAI niin an thu khawm thin)

Medical Board-in Certificate an pek chhuah hmangin mahni thawhna Office/Deptt.-ah Board lehkha chu an hotuten forward sakin; Director, Hospital & Medical Education, Dinthar-ah dilna chu an thehlut ang a, Provisional Permission an lo pe chhuak ve leh ang a. Chu chuan hmun hla zawk a inenkawl turin an kal thei ang (Provisional Permission la hmasa lovin air/motor ticket lak hmasak loh tur a ni)


*FINAL PERMISSION :*
  Provisional Permission hmanga phai lama an kal hnu in senso TA/MR Bill-na turin Final Permission lak leh tur a ni.Hei hi damdawi in atanga chhuahtir(discharge)atanga thla thum(3)chhung ngei in lak ngei tur a ni.

*Final permission lak dan tur :*
Final Permission dilna chu an thawhna Department/Office-a hotuten an forward sak leh ang a, chu chu a hnuaia document tarlan te nen Director, Hospital & Medical Education, Dinthar-ah an thehlut leh ang.

1.Provisional permission copy khat.

2.History discharge summary Certificate/OPD Card an inenkawlna hospital atangin Original copy leh Xerox copy pahnih.

*Kal leh dawn (Review) a hriattur te :*


     Damlo thenkhat te chu an zuk kal na Doctor ten in check-up/review turin an lo rawn(advised) leh thin a,chutianga kal leh turte chuan hengte hi hriat tur:

1.Medical Board a kal leh ngai tawh lovin, An mahni refer tu Doctor OPD, Hospital-ah an in report ang a, a tul dan angin Screen Board Certificate an lo pe chhuak leh ang. A bak zawng chu phai lama an kal tirh a an tih ang khan an bawhzui leh tawh tur a ni. Hetah hian  kum khat hnu lam a nih chuan Medical Board-ah in refer leh phawt tur ani. Tin, Provisional Permission la hmasa lova kal hi phal loh a ni a, a hnu ah expo-facto permission dil leh hi a harsa a,chuvang in provisional permission hi lak hmasak ngei ngei tur a ni.
Source: *Hriselna*